Suleqatigiiuvugut angusaqarluarusuttut DMC Nordic Greenlandip Nuummi allaffeqarfianik ingerlatsisuusut, suleqatissarsiorpugullu ulluinnarni MICE-mut umiarsuarnullu takornarianik angallassisartunut atatillugu angalanissanik immikkorluinnaq ittunik aaqqissuussisarnitsinni suleqatissatsinnik kajumissuseqarluartumik.

Suliassanut nassuiaat
MICE-mi aaqqissuisutut atorfimmi pingaarnertut suliassaavoq MICE-mut (Meetings, Incentives, Conferences, and Events) atatillugu suliassaqarfiup iluani sullissat pillugit paasissutissat nalunaarsorsimaffiannik pitsaalluinnartumik nutaalerniornermillu tunngavilimmik ineriartortitsineq tamatuminnga ataavartitsineq. Aaqqissuisup MICE-mi ataqatiissaarisoq suleqatigisassavaa, pingaarnertulli sullissanut attaveqarnerup ataavartinneqarnissaa akisussaaffigissallugu.

MICE-mi aaqqissuisutut akisussaaffiit makkuninnga ilaqarput:

Sullissanut tunngatillugu
• Sullissat pisariaqartitaannut naapertuuttumik pilersaarusiortarneq, siunnersuisarneq siunnersuuteqartarnerlu.
• Suliassanik aallaqqaataanit naammassinissaannut akisussaaffeqarneq, matumiunnga ilanngullugit missingersuusiorneq, isumaqatiginninniarneq, (takornariartitsisartunik takornarianillu) attaveqaateqarneq suliamillu naammassinninneq.
• Sullissanut inniminniissussineq aaqqissuussinerlu, matumunnga ilanngullugit unnuiffissanut, angalaffissanut, angallassisoqarnissanut, ornigassanut, sammisassanut neriniartarfinnullu inniminniissussillunilu tamakkuninnga aaqqissuussisarneq.
• Suliassap aallartinnginnerani, suliarineqarnerani naammassineqareerneranilu sullissamik qanimut pitsaalluinnartumillu attaveqaqateqarneq.
• Sullissilluarusunnerput tatiginassuserpullu, sullissat pisariaqartitaat eqqarsaatigalugit paasinnissinnaassuseqarnerput tamakkualu angunissaannut ilungersuussisarnerput ersersinniarlugit sullissanik attaveqartarnerup pitsanngorsaavigisarnissaa.

Takornariartitsisartunut tunngatillugu
• Takornariartitsisartut qanimut attaveqaqatigisarnerannik pitsaasumillu suleqatigisarnerannik ataavartitsineq.
• Takornariap pitsaanerpaamik sullinneqarnissaa anguniarlugu takornariarttitsisartunik, neqeroorutaannik neqeroorutigilersinnaasaannillu paasisimanninneq. Tamatumunnga

Sulinermut atatillugu angalasarnissat
• Sullissat angallanneqarnerisa/pilersaarusiorfigineqarnerisa naammassineqarnissaat anguniarlugu, pikkorissariarluni, ataatsimiigiarluni, ornigassanik alakkarteritilluni, sullissanut tikeraarluni, neqerooruteqariartorluni, saqqummersitseqatigiittunut peqataajartorluni FAM-imullu atatillugu angalasoqartarsinnaavoq.

Missingersuusiorneq
• MICE-p immikkoortortaata tunisaanut missingersuusiorneq, neqeroorutigineqartut akiinik naatsorsuineq, akit aningaasartuutillu ataqatigiinnerannik qulakkeerinninneq, akiligassaliorneq aamma missingersuutinik malinnaatitsineq.

DMC Nordicimut tunniussaqartarneq
• Immikkoortortami suleqatinik tapersersuineq sulisunillu nutaanik ilinniartitsisarneq.
• DMC Nordic Groupip aaqqissuussaaneranik neqeroorutaanillu ineriartortitseqataaneq nittarsaassisarnerlu.
• DMC Nordicip Nunani Avannarlerni allaffeqarfiisa suleqatigiinnerannut peqataasarneq (manna Danmarkimi, Norgemi, Sverigemi, Finladnimi, Estlandimi Litauenimilu allaffeqarpugut).

DMC Nordicimi immikkoortortaqarfiit tapersersoqatigiittuaannarpugut – allaallumi nunani allaniittullu tapersersoqatigiittarluta! Aaqqissuisutut suliassanik suliassannut naapertuuttunik naammassinneqataasarnissat naatsorsuutigineqarpoq, aamma immikkoortortani allani suliassaagaluartunilluunniit. Ilimagaarput 2025-mi aasaanerani umiarsuarnik takornariartaatinik tikerarluartoqassasoq, naatsorsuutigaarpullu pisariaqartillugu umiarsuarnut takornariartaatinut sullissisut ikiortassagitit.

Atorfimmut atatillugu ajunngitsorsiassaqarpoq, matumunnga ilanngullugu Danmarkimut akiliunneqarluni angalasarneq.

Malugiuk atorfimmut qinnuteqassaguit Nuummi najugaqassagavit.

Allanik apeqqutissaqaruit, CV qinnuteqaalluunniit nassiunniarukku DMC Nordic Greenlandimi Country Manager Magnus Trolle attavigiuk. Tusarfiginissat qilanaaraarput!